ಮಂಗ್ಳುರಾಂತ್ ವಿಶ್ವ ಕೊಂಕಣಿ ಸಂಗೀತ ನಾಟಕ ಅಕಾಡೆಮಿ ಸ್ಥಾಪನ

ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ, ವಿಶ್ವ ಕೊಂಕಣಿ ಕೇಂದ್ರಾಂತ ಫೆಬ್ರುವರಿ 03 ತಾರ್ಕೆರ ವಿಶ್ವ ಕೊಂಕಣಿ ಸಂಗೀತ ನಾಟಕ ಅಕಾಡೆಮಿ ಸಭಾ ಚಲ್ಲೆಂ. ಮುಂಬಯಿ, ಗೋವಾ, ಕೇರಳ, ಕರ್ನಾಟಕ ವೆಗವೆಗಳೆ ರಾಜ್ಯತಾಕುನ ಪ್ರಸಿದ್ಧ ನಾಟಕ ನಿರ್ದೇಶಕ, ಕಲಾವಿದ, ಸಾಹಿತಿ, ವಿಚಾರ ಗೋಷ್ಠಿಂತ ಮೆಳನು ತಾಂಗೆಲ ಅನುಭವ ಸಾಂಗಚೆ ಯೋಜನಾ ವಿಶ್ವ ಕೊಂಕಣಿ ಕೇಂದ್ರನ ಆಯೋಜನ ಕೆಲೆಲೆ.

ವಿಶ್ವ ಕೊಂಕಣಿ ಕೇಂದ್ರಚೊ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಅಧ್ಯಕ್ಷತೇರಿ ಕಾರ್ಯಕ್ರಮ ಚಲ್ಲೆಂ.

ವೆಗವೆಗಳೆ ರಾಜ್ಯಾಂತ ಕೊಂಕಣಿ ಮಾತೃ ಭಾಸ ಉಲೊವಚೆ ಶಾಳಾ ಕಾಲೇಜು ಯುವಕಾಂಕ ಆನಿ ಲ್ಹಾನ ಚೆರ್ಡುಂವಾಂಕ ನಾಟಕಾಚೊ ಸ್ವಾದ ಘೆವಚೆ ತಶಿ ಕೊಂಕಣಿ ನಾಟಕ ಕಾರ್ಯಾಗಾರ, ನಾಟಕ ಸ್ಫರ್ಧೊ ಚಲಾಯಸುಚೆ ತಶೀಂಚಿ ಅಂತರಾಷ್ಟ್ರೀಯ ನಾಟಕ ಸ್ಫರ್ಧೊ ಮಾಂಡುನ ಹಾಡಚೆ ತಶಿ ಸಭೆಂತ ನಿರ್ಣಯ ಕೆಲೆಂ. ತಶಿಂಚಿ ವೆಗವೆಗಳೆ ನಾಟಕ ಸಂಘ ಸಂಸ್ಥೆ ಸಹಯೋಗಾನ ಕಾರ್ಯಕ್ರಮ ಚಲಾಯಸುಚಾಕ ನಿರ್ಣಯ ಕೆಲೆಂ.

ವಿಶ್ವ ಕೊಂಕಣಿ ಸಂಗೀತ ನಾಟಕ ಅಕಾಡೆಮಿ ಚೆಯರ್‌ಮೆನ್ ಜಾವನ ಡಾ. ಸಿ. ಎನ್. ಶೆಣೈ ಮುಂಬಯಿ, ಆನಿ ರಾಜ್ಯ ಮಟ್ಟಾಚೆ ಪ್ರಾದೇಶಿಕ ಸಂಯೋಜಕ ಜಾವನ ಗೊಂಯಚೆ ಪ್ರಸಿಧ್ಧ ಕಲಾವಿದ ಶ್ರೀ ಶ್ರೀಧರ ಕಾಮತ್ ಬಾಂಬೋಳಕರ, ಕೇರಳಚೆ ಪ್ರತಿನಿಧಿ ಅಖಿಲ ಭಾರತ ಕೊಂಕಣಿ ಪರಿಷದ್ ಅಧ್ಯಕ್ಷ ಶ್ರೀ ಪಯ್ಯನೂರ ರಮೇಶ ಪೈ, ಉತ್ತರ ಕನ್ನಡ ಕುಮಟಾಚೆ ಶ್ರೀ ಚಿದಾನಂದ ಭಂಡಾರಿ,  ಕರ್ನಾಟಕಾಚೆ ಖ್ಯಾತ ನಾಟಕ ನಿರ್ದೇಶಕ ಶ್ರೀ ಎಡ್ವರ್ಡ್ ಸಿಕ್ವೇರಾ ಹಾಂಕಾ ನೇಮಣೂಕ ಕೆಲೆಂ.

ಈ ಚರ್ಚಾಗೋಷ್ಠಿಂತ ಶಾಳೆಂತ ಕೊಂಕಣಿ ಶಿಕವಣ ಸಂಚಾಲಕ ಡಾ. ಕಸ್ತೂರಿ ಮೋಹನ ಪೈ, ಗೊಂಯಚೆ ಡಾ.ಪಾಂಡುರಂಗ ಫಳದೇಸಾಯಿ, ಶ್ರೀ ವಿಜಯಕಾಂತ ನಾಮಿಶ್ಕರ್, ಕೇರಳಚೆ ಶ್ರೀ ಕೃಷ್ಣಾನಂದ ಎಮ್. ಪೈ, ಶ್ರೀ ಎಲ್. ಕೃಷ್ಣ ಭಟ್, ಶ್ರೀ ಅಶೋಕ ಎಸ್, ಉಳ್ಳಾಲ ಶ್ರೀ ರಾಘವೇಂದ್ರ ಕಿಣಿ, ವಿಶ್ವ ಕೊಂಕಣಿ ಸ್ತ್ರೀ ಶಕ್ತಿ ಮಿಶನ್ ಸಂಚಾಲಕಿ ಶ್ರೀಮತಿ ಗೀತಾ ಸಿ. ಕಿಣಿ, ಶ್ರೀಮತಿ ಮೀನಾಕ್ಷಿ ಎನ್. ಪೈ, ವಿಶ್ವ ಕೊಂಕಣಿ ಕೇಂದ್ರಾಚೆ ಕಾರ್ಯದರ್ಶಿ ಶ್ರೀ ಬಿ. ಪ್ರಭಾಕರ ಪ್ರಭು ಹಾನ್ನಿ ಸಭೆಂತ ಹಾಜರ ಆಶಿಲಿಂಚಿ.

ಕಾರ್ಯದರ್ಶಿ ಶ್ರೀಮತಿ ಶಕುಂತಲಾ ಆರ್. ಕಿಣಿನ ಧನ್ಯವಾದ ಸಮರ್ಪಣ ಕೆಲೆಂ.

Check Also

ವಿಶ್ವ ಕೊಂಕಣಿ ಕೇಂದ್ರ : ಪ್ರೇರಣಾ ಸಮಾವೇಶ 2018

ವಿಶ್ವ ಕೊಂಕಣಿ ಕೇಂದ್ರ ವಿದ್ಯಾರ್ಥಿ ವೇತನ ನಿಧಿಚೆ ಫಲಾನುಭವಿ ವಿದ್ಯಾರ್ಥಿಂನಿ ಸ್ಥಾಪನ ಕೆಲೆಲೆ ‘ವಿಶ್ವ ಕೊಂಕಣಿ ಅಲ್ಯುಮ್ನಿ ಸಂಘ’ ಸರ್ವ …

Leave a Reply

Your email address will not be published. Required fields are marked *