ವಿಶ್ವ ಕೊಂಕಣಿ ಕೇಂದ್ರ : ವಿದ್ಯಾಕಲ್ಪಕ ‘ಕ್ಷಿತಿಜ’ ಶಿಬಿರ ಸಮಾರೋಪ

ವಿಶ್ವ ಕೊಂಕಣಿ ಕೇಂದ್ರ ಸಹಯೋಗಾನ ‘ವಿದ್ಯಾ ಕಲ್ಪಕ’ ವಿದ್ಯಾರ್ಥಿ ವೇತನ ಯೋಜನೆರಿ ಮಾಗಶಿಚೆ ವರಸಾಂತ ವಿದ್ಯಾರ್ಥಿ ವೇತನ ಘೆತಿಲೆ ಅರ್ಹ ವಿದ್ಯಾರ್ಥಿಂಕ ಹ್ಯಾ ವರಸಾಚೆ ‘ಕ್ಷಿತಿಜ’ ತರಬೇತಿ ಶಿಬಿರಾಚೆ ಸಮಾರೋಪ ಸಮಾರಂಭ ಆಯ್ಲೆವಾರ್ ವಿಶ್ವ ಕೊಂಕಣಿ ಕೇಂದ್ರಂತ ಚಲ್ಲೆಂ.

ಮುಖೇಲ ಸೊಯರೆ ಜಾವನ ಆಯಿಲೆ ಟಾಟಾ ರೆಫ್ರೆಕ್ಟರೀಸ್ ಸಂಸ್ಥೆಚೆ ನಿವೃತ್ತ ಆಡಳಿತ ಅಧಿಕಾರಿ ಶ್ರೀ ಸಿ. ಡಿ. ಕಾಮತ್ ಭಾಗಿ ಜಾವನ ಉಲೊವನು ಪ್ರತಿ ಏಕ ವಿದ್ಯಾರ್ಥಿನಿ ಶ್ರಮ ಪಾವನು ವಾವರ ಕರನು, ಏಕ ನಿಶ್ಚಿತ ಧ್ಯೇಯ ಗುರಿ ದವರುನ ತಾಂಗೆಲೆ ಜೀವನಾಂತ ಮುಖಾರ ಯೇವಕಾ. ಕೋಣ ಉತ್ತಮ ಜಾವನ ಆಯಕುಚೆ ಗುಣ ಆಪಣಾವನ ಘೆತಾಕೀ ತೋ ಸಂವಹನ, ಸಂದರ್ಶನ, ಕಾರ್ಯ ಕ್ಷಮತಾಂತ ನೈಪುಣ್ಯ ಪಾವತಾ. ಅಶಿಂ ಶಿಬಿರಾರ್ಥಿಂಕ ಉದ್ದೇಶಿಸುನ ದೋನ ಉತ್ರಂ ಸಾಂಗಲೆಂ. ನಾಮಾನೆಚೆ ಲೇಕ ತಪಾಸಕ ಆನಿ ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ಯೋಜನಾಚೆ ಮುಖೇಲ ಸಿ. ಎ. ಶ್ರೀ ನಂದಗೋಪಾಲ ಶೆಣೈ ನ ಸ್ವಾಗತ ಕೆಲೆಂ.

ವಿಶ್ವ ಕೊಂಕಣಿ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಹಾನ್ನಿ ಅಧ್ಯಕ್ಷಪಣ ಘೆವನ ವಿದ್ಯಾರ್ಥಿಂಕ ಶಿಬಿರಾಚೆ ಸದುಪಯೋಗ ಸಾಂಗಲೆಂ. ಶಿಬಿರ ಸಂಚಾಲಕ ಸಿ. ಎ. ಶ್ರೀ ಗಿರಿಧರ ಕಾಮತ್, ವಿಶ್ವ ಕೊಂಕಣಿ ಕೇಂದ್ರ ಕಾರ್ಯದರ್ಶಿ ಶ್ರೀ ಬಿ. ಪ್ರಭಾಕರ ಪ್ರಭು ಆನಿ ಶ್ರೀಮತಿ ಶಕುಂತಲಾ ಆರ್. ಕಿಣಿ, ವಿಶ್ವ ಕೊಂಕಣಿ ಭಾಷಾ ಸಂಸ್ಥಾನ ಸಹಾಯಕ ನಿರ್ದೇಶಕ ಶ್ರೀ ಗುರುದತ್ತ ಬಂಟ್ವಾಳಕಾರ, ವಿಶ್ವ ಕೊಂಕಣಿ ಸಂಗೀತ ನಾಟಕ ಅಕಾಡೆಮಿ ಸದಸ್ಯ ಉಳ್ಳಾಲ ಶ್ರೀ ರಾಘವೇಂದ್ರ ಕಿಣಿ, ‘ವಿದ್ಯಾಕಲ್ಪಕ’- ಕ್ಷಿತಿಜ’ ಶಿಬಿರ ಉಸ್ತುವಾರಿ ಶ್ರೀ ವಿಶ್ವಕುಮಾರ ಭಟ್ ಉಪಸ್ಥಿತ ಆಶಿಲಿಂಚಿ.

ತೀನಿ ದಿವಸ ಚಲ್ಲೆಲೆ ಶಿಬಿರ ಬದ್ದಲ ಶಿಬಿರಾರ್ಥಿಂನಿ ತಾನ್ನಿ ಘೆತ್ತಿಲೆ ಅನುಭವ ಸಾಂಗಲೆಂ. ಆನಿ ವಿವಿಧ ಚಟುವಟಿಕಾ ಬದ್ದಲ ತಾಂಗೆಲೆ ಅಭಿಪ್ರಾಯ ತಿಳಿಸಿಲೆಂ. ಶಿಬಿರಾಂತ ಚಲ್ಲೆಲೆ ವೆಗವೆಗಳೆ ಸ್ಫರ್ಧೆಂತ ಜಿಕ್ವಲೆಲೆಂಕ ಇನಾಮ ವಾಂಟಪ ಕೆಲೆಂ. ಆನಿ ಸಕಡ ಶಿಬಿರಾರ್ಥಿಂಕ ಮುಖೇಲ ಸೊಯರೆಂನಿ ಯಾದಸ್ತಿಕಾ ಆನಿ ಪುಸ್ತಕ ದೀವನ ಅಭಿನಂದನ ಕೆಲೆಂ.

Check Also

ಕರ್ನಾಟಕ ಕೊಂಕಣಿ ಸಮುದಾಯಾಚೆ ಮೂಳ, ಸ್ಥಳಾಂತರ ಆನಿ ವಸಾಹತ – ಏಕ ಅಧ್ಯಯನ ಜಂಟಿ ಉದ್ದೇಶ ಪತ್ರಾಕ ಹಸ್ತಾಕ್ಷರ

ಪ್ರಾಚೀನ ಕಾಲಾತಾಕುನ ಕೊಂಕಣಿ ಬಾಷಿಕ ಸಮುದಾಯ, ವಲಸಿಗ ಜಾವನು ಭಾರತ ದೇಶಾಚೆ ವೆಗವೆಗಳೆ ಪ್ರದೇಶಾಂತ ಆಸುನ, ಚಾರಿತ್ರಿಕ, ಸಾಮಾಜಿಕ, ರಾಜಕೀಯ …

Leave a Reply

Your email address will not be published. Required fields are marked *