ದೊ| ಜೆರಿ ನಿಡ್ಡೋಡಿ

mm
25 ಮೇ 1957 ವೆರ್ ನಿಡ್ಡೋಡಿ ಪಿರ್ಗಜಿಚ್ಯಾ ಕುದ್ರಿಪದವು ಹಾಂಗಾಸರ್ ಜೋಸೆಫ್ ಡೇವಿಡ್ ಪಿಂಟೊ ಆನಿ ಮೇರಿ ಪಿಂಟೊ ಹಾಂಚೊ ಮಾಲ್ಘಡೊ ಪೂತ್ ಜಾವ್ನ್ ಜನನ್. 1 ಎಪ್ರಿಲ್ 1986 ವೆರ್ ಮಡಾಂತ್ಯಾರ್ಚ್ಯಾ ಮಾರ್ಸೆಲಿನ್ ಸೇರಾಲಾಗಿಂ ಲಗ್ನ್. ತಿ ಆತಾಂ ಕಲ್ಯಾಣ್ಪುರ್ ಮಿಲಾಗ್ರಿಸ್ ಹೈಸ್ಕೂಲಾಂತ್ ಶಿಕ್ಶಕಿ. ದೊಗಾಂ ಭುರ್ಗಿಂ ದೀಪಾ ಆನಿ ದಿವ್ಯಾ. ದೊಗಾಂಯ್ ಇಂಜಿನಿಯರಿಂಗ್ ಶಿಕಾಪ್ ಜೊಡುನ್ ಲಗ್ನ್ ಜಾಲ್ಯಾಂತ್. 1986 ಇಸ್ವೆ ಥಾವ್ನ್ ಕಲ್ಯಾಣ್ಪುರ್ ಮಿಲಾಗ್ರಿಸ್ ಪಿರ್ಗಜೆಂತ್ ಖಾಯಂ ವಸ್ತಿ. ಭೌತ್ ಶಾಸ್ತಿರಾಂತ್ ಎಂ.ಎಸ್ಸಿ. (ಮೈಸೂರ್ ಯುನಿವರ್ಸಿಟಿ 1981 ), ನ್ಯೂಕ್ಲಿಯರ್ ಭೌತ್ ಶಾಸ್ತಿರಾಂತ್ 1992 ವ್ಯಾ ವರ್ಸಾ ಮಂಗ್ಳುರ್ ಯುನಿವರ್ಸಿಟಿಥಾವ್ನ್ ಡಾಕ್ಟರೇಟ್, ಪತ್ರಿಕೋದ್ಯಮಾಂತ್ ಡಿಪ್ಲೊಮಾ, ಕೊಂಕಣಿ ಪದ್ಯುತ್ತರ್ ಡಿಪ್ಲೊಮಾಂತ್ ಕೊಂಕಣಿ ಡಿಸ್ಟಿಂಕ್ಷನ್. 1981 ಥಾವ್ನ್ ಮಿಲಾಗ್ರಿಸ್ ಕಾಲೆಜ್ ಕಲ್ಯಾಣ್ಪುರ್ ಹಾಂಗಾಸರ್ ಭೌತ್ ಶಾಸ್ತಿರಾಚೊ ಪ್ರಾಧ್ಯಾಪಕ್ ಜಾವ್ನ್ ವಾವ್ರಾಕ್ ಸುರ್ವಾತ್, 2016 ಜುಲಾಯ್ 1 ಥಾವ್ನ್ 21 ಮೇ 2017 ಪರ್ಯಾಂತ್ ಪ್ರಿನ್ಸಿಪಾಲ್ ಜಾವ್ನ್ ಸೆವೆಥಾವ್ನ್ ನಿವೃತ್ತ್. ’ಮೂಳ್ ವಸ್ತುಂ ಥಾವ್ನ್ ಗಾಮಾ ಕಿರಣಾಂಕ್ ಧುಸ್ಪಟಾಂವ್ಚೆಂ’ - ಹ್ಯಾ ವಿಶಯಾಚೆರ್ 8 ಸಂಸೊದ್ ಅಂತರಾಷ್ಟ್ರೀಯ್ ಸಂಸೊದ್ ಪತ್ರಾಚೆರ್ (ಲಂಡನ್ ಥಾವ್ನ್) ಪ್ರಗಟ್ ಜಾಲ್ಯಾತ್, 5 ರಾಷ್ಟ್ರೀಯ್ ಕಾರ್ಯಾಗಾರಾಂಚೆರ್ ಮಂಡನ್ ಕೆಲ್ಯಾತ್. ಕರಾವಳ್ ಕರ್ನಾಟಕಾಚ್ಯಾ ತಶೆಂ ಉಡ್ಪಿ ಜಿಲ್ಲೆಚ್ಯಾ ಮಾತ್ಯೆಂತ್ ಆನಿ ವಾತಾವರಣಾಂತ್ ಅಸ್ಚ್ಯಾ ಅಣು ವಿಕಿರಣ್ ಧಾತುವಿಶಿಂ ದೋನ್ ಸಂಸೋದ್ - ವಿಶ್ವವಿದ್ಯಾನಿಲಯ್ ಧನ್ ಸಹಾಯ್ ಆಯೋಗಾ ಕುಮ್ಕೆನ್ ಕರುನ್ ಪ್ರಗಟ್ ಕೆಲ್ಯಾತ್. ಮಂಗ್ಳೂರ್ ಯುನಿವರ್ಸಿಟಿ ಫಿಸಿಕ್ಸ್ ಪ್ರಾಧ್ಯಾಪಾಕ್ ಸಂಘಟಾನಾಚೊ ದೋನ್ ಆವ್ದೆಂಕ್ ಅಧ್ಯಕ್ಶ್, ಶಿಕ್ಶಕಾಂಚ್ಯಾ ಸಂಘಟಾನಾಚೊ ಸಹ ಕಾರ್ಯದರ್ಶಿ, ಯುನಿವರ್ಸಿಟಿ ಶೈಕ್ಶಣಿಕ್ ಮಂಡಳಿಚೊ ತಸೆಂ ಸಾಂ ಆಗ್ನೆಸ್ ಅಟೊನೊಮಾಸ್ ಕೊಲೆಜಿಚೊ ಶೈಕ್ಶಣಿಕ್ ಮಂಡಳಿಚೊ ಸಾಂದೊ ಜಾವ್ನ್ ವಾವ್ರ್ ದಿಲಾ. ಮಂಗ್ಳೂರ್ ಯುನಿವರ್ಸಿಟಿ ಬಿ ಎಸ್ಸಿ - ಫಿಸಿಕ್ಸ್ ಅಂತಿಮ್ ಪರಿಕ್ಶೆಚೊ ಚೇರ್ಮನ್ ಜಾವ್ನ್ ವಾವ್ರ್ ದಿಲಾ. ಕೊಲೆಜಿ ಹಂತಾರ್ - ಎನ್.ಎಸ್.ಎಸ್ ಆಫೀಸರ್, ನ್ಯಾಕ್ ಕೊ -ಆರ್ಡಿನೆಟರ್, ಶಿಕ್ಪಾ ಮಟ್ಟ್ ಚಡಂವ್ಚ್ಯಾ ಕೋಶಾಚೊ ಕೊ - ಆರ್ಡಿನೇಟರ್, ಕ್ಯಾಂಪಸ್ ಪ್ಲೇಸ್ಮೆಂಟ್ ಅಫೀಸರ್ ಆನಿ ಇತರ್ ಪ್ರಮುಕ್ ಹುದ್ದೆ ಜವಾಬ್ದಾರೆನ್ ನಿರ್ವಹಣ್ ಕೆಲ್ಯಾತ್. ಸಬಾರ್ ಭುರ್ಗ್ಯಾಂಕ್ ಕ್ಯಾಂಪಸ್ ವಿಂಚವ್ಣೆ ಮುಕಾಂತ್ರ್ ಬರೆ ಉದ್ಯೋಗ್ ಮೆಳೊಂಕ್ ಕಾರಣ್ ಜಾಲಾ. 2016 - 17 ಇಸ್ವೆಂತ್ ಕೊಲೆಜಿಚೊ ಭಾಂಗಾರೋತ್ಸವ್ ಅರ್ಥಾಭರಿತ್ ಜಾವ್ನ್ ಆಚರಣ್ ಕೆಲಾ. ಪಿ.ಯು.ಸಿ. ದುಸ್ರ್ಯಾ ವರ್ಸಾಕ್ ರಿಫ್ರೆಷರ್ ಕೋರ್ಸ್ - ಭೌತಶಾಸ್ತ್ರ - 2002, ಬಿ.ಎಸ್ಸಿ. ದುಸ್ರ್ಯಾ ವರ್ಸಾಕ್ ಭೌತ್ ಶಾಸ್ತ್ರ್ ಪುಸ್ತಕ್ - ಸಹಲೇಖಕ್, ಮಂಗ್ಳುರ್ ಯುನಿವರ್ಸಿಟಿ - 2005, ಬಿ.ಎಸ್ಸಿ. ಪಯ್ಲ್ಯಾ ವರ್ಸಾಕ್ ಭೌತ್ಶಾಸ್ತ್ರ್ ಪುಸ್ತಕ್ - ಸಹಲೇಖಕ್, ಮಂಗ್ಳುರ್ ಯುನಿವರ್ಸಿಟಿ - 2006 - ಹಿಂ ತಾಚಿಂ ಶೈಕ್ಷಣಿಕ್ ಪುಸ್ತಕಾಂ. ಪಾಟ್ಲ್ಯಾ 44 ವರ್ಸಾಂ ಥಾವ್ನ್ ಕೊಂಕಣಿ ಭಾಸ್ ಆನಿ ಸಾಹಿತ್ಯಾಂತ್ ಖಳ್ಮಿತ್ ನಾತ್ ಲ್ಲೊ ವಾವ್ರ್. ನವ್ವೆ ಕ್ಲಾಸಿಂತ್ ಆಸ್ತಾನಾ (1973) ಪಯ್ಲಿ ಲ್ಹಾನ್ ಕಾಣಿ ಸೆವಕಾರ್ ಫಾಯ್ಸ್ ಜಾಲಿ. ಧಾವೆ ಕ್ಲಾಸಿಂತ್ ಆಸ್ತಾನಾ ರಾಕ್ಣೊ ಸಾಹಿತ್ಯ್ ಸ್ಪರ್ಧ್ಯಾಂತ್ ಲೇಕಾನಾಂತ್ ದುಸ್ರೆಂ ಇನಾಮ್ ಲಾಭ್ಲೆಂ. ಉಪ್ರಾಂತ್ ಪಯ್ಣಾರಿರ್ ಸರಾಗ್ ಲೇಖಾನಾಂ ವಾಳ್ಳಿಂ. ರಾಕ್ಣೊ, ಕಾಣಿಕ್ ಮಿತ್ರ್, ಝೆಲೊ ಆನಿ ಇತರ್ ಪತ್ರಾಂನಿ ಆನಿ ಜಾಳಿಜಾಗ್ಯಾಂನಿ ಸರಾಗ್ ಲೇಖನಾಂ ಆನಿ ಕಾಣಿಯೊ ಬರಯ್ಲ್ಯಾತ್ ಆನಿ ಆತಾಂಯ್ ಬರವ್ನ್ ಚ್ ಆಸಾ. 7 ಕಾದಂಬರಿ, 7 ಇತರ್ ಪುಸ್ತಕಾಂ, 2 ಮಟ್ವ್ಯಾಕಾಣಿಯಾಂಚೆಂ ಸಂಗ್ರಹ್, 2 ಕೊಂಕ್ಣಿ ಸಂಸೋದ್ ಗ್ರಂಥ್ ಫಾಯ್ಸ್ ಜಾಲ್ಯಾತ್. ಆಜ್ ಮೆರೆನ್ 45 ಮಟ್ವ್ಯೊ ಕಾಣಿಯೊ, 8 ಕವಿತಾ, 950 ಲೇಕನಾಂ ಬರಯ್ಲ್ಯಾಂತ್. ಕೊಂಕ್ಣಿ ಸಂಗಟನ್ - ಉಡ್ಪಿ ಜಿಲ್ಲೊ ಬಾಂದುನ್ ಹಾಡುನ್, ನೋವ್ ವರ್ಸಾಂ ಅಧ್ಯಕ್ಷ್ ಜಾವ್ನ್ ವಾವ್ರ್ ದಿಲಾ. ಸಬಾರ್ ಕೊಂಕ್ಣಿ ಕಾರ್ಯಾಕ್ರಮಾಂ ಕಲ್ಯಾಣ್ಪುರ್ ಮಿಲಾರ್ ಕೊಲೆಜಿಂತ್ ವಿವಿದ್ ಸಂಗಟನಾಂಚ್ಯಾ ಸಹಯೋಗಾನ್ ಆಯೋಜನ್ ಕೆಲ್ಯಾಂತ್. ತಾಚ್ಯಾ ವಾವ್ರಾಕ್ , 1997 ವ್ಯಾ ವರ್ಸಾ ದಾಂತಿ ಸಾಹಿತ್ಯ್ ಪುರಸ್ಕಾರ್, 2007 ವ್ಯಾ ವರ್ಸಾ ದಿವೊ ಸಾಹಿತ್ಯ್ ಪುರಸ್ಕಾರ್, ಕೊಂಕಣ್ ಸ್ಟಾರ್ ಸಾಹಿತ್ಯ್ ಪುರಸ್ಕಾರ್ ( ಕೊಂಕಣಿ ಫ಼್ರೆಂಡ್ಸ್ ಇಂಗ್ಲೆಂಡ್ ), ಕರ್ನಾಟಕ ಕೊಂಕಣಿ ಸಾಹಿತ್ಯಾ ಅಕಾಡೆಮಿ ಗೌರವ್ ಪುರಸ್ಕಾರ್ ಆನಿ ತಿಸ್ರಿ ತಕ್ಲಿ ಕಾದಂಬರಿಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪುಸ್ತಕ್ ಪುರಸ್ಕಾರ್, 2011 ವ್ಯಾ ವರ್ಸಾ ದಾಯ್ಜಿ ದುಬಾಯ್ ಸಾಹಿತ್ಯ್ ಪುರಾಸ್ಕಾರ್, 2017 ವ್ಯಾ ವರ್ಸಾ ಆಮ್ಚೊ ಸಂದೇಶ್ ರುಪ್ಯೋತ್ಸವ್ ಸಾಹಿತ್ಯ್ ಪುರಾಸ್ಕಾರ್ ಆನಿ ಕೊಂಕ್ಣಿ ಕುಟಾಮ್ ಬಾಹ್ರೇನ್ ಪುರಸ್ಕಾರ್ ಫಾವೊ ಜಾಲ್ಯಾತ್. ಆಮ್ಚೊ ಸಂದೇಶ್ ಮಹಿನ್ಯಾಳ್ಯಾಚೊ ಸಂಪಾದಕ್ ಜಾವ್ನ್ 7 ವರ್ಸಾಂ ಆನಿ ಮಿಲಾರ್ಚಿಂ ಲ್ಹಾರಾಂ, ಪಿರ್ಗಜ್ ಪತ್ರಾಚೊ ಸಂಪಾದಕ್ ಜಾವ್ನ್ 1994 ಥಾವ್ನ್ ಸೆವಾ ದೀವ್ನ್ ಆಸಾ. ಆಪ್ಲ್ಯಾ ದಿವ್ಯದೀಪ ಪ್ರಕಾಶನಾಖಾಲ್ ಆಜ್ ಮೆರೆನ್ 15 ಪುಸ್ತಕಾಂ ಪ್ರಗಟ್ ಕೆಲ್ಯಾಂತ್.

ಮ್ಹಾಕಾ ತುಂಚ್ ಜಾಯ್

ಜನೆರ್ ಏಕ್ ತಾರಿಕ್, ನವ್ಯಾ ವರ್ಸಾಚೊ ದೀಸ್. ವಿನುತಾಚೆಂ ಕಾಜಾರ್ ರವಿ ಲಾಗಿಂ ಜಾಂವ್ಕ್ ಆಸ್ ಲ್ಲೆಂ. ಸಕ್ಕಡ್ ಹೊಕಲ್ – ನವ್ರೊ ಅಸಲ್ಯಾ ದಿಸಾಕ್ ರಾಕುನ್ ರಾವ್ತಾತ್.   ಪೂಣ್ ವಿನುತಾ , ಆಜ್ ಸೂರ್ಯೊ ಉದೆನಾತ್ಲೊ ತರ್ ಕಿತ್ಲೆಂ ಬರೆಂ ಆಸ್ಲೆಂ ಮ್ಹಣ್ ಚಿಂತಾಲೆಂ.  ತಾಚೆಂ ರೆಸ್ಪೆರ್ ಸಾಂಜೆರ್ ಪಾಂಚ್ ವೊರಾರ್ ಮಿಲಾರ್ ಇಗರ್ಜೆಂತ್ ಜಾಂವ್ಕ್ ಆಸ್ ಲ್ಲೆಂ. ಆರ್ಚ್ ಬಿಸ್ಪ್, ತೇಗ್ ಬಿಸ್ಪ್ ಆನಿ 50 ಪಾದ್ರಿ …

Read More »